70 ஆம் வயதில் நான்.!

முன்குறிப்பு : நான் என்னோட 70 வயசுல இருந்து ஒரு பதிவு எழுதினா எப்படி இருக்கும் அப்படின்னு ஒரு கற்பனை. கூடவே இது எப்படி இருந்து அப்படின்னு படிச்சுப் பார்த்துட்டு சொல்லுங்க.!இது ஒரு புதிய முயற்சி. அதான் கேக்குறேன்!

நேரம் மாலை 5 மணி.. தேதி 10.12.2057 :

23 வயசுல ப்ளாக் எழுதுறேன் அப்படின்னு வந்தேன். இப்ப 70 ஆச்சு. என்ன எழுதினேன் என்ன தெரிஞ்சிக்கிட்டேன்னு தெரியல. ஆனா உலகம் முழுக்க நண்பர்கள் இருக்காங்க அப்படின்னு நினைக்கும்போது ரொம்ப சந்தோசமா இருக்கு. அதிலும் நிறைய பேர் அடிக்கடி சந்திச்சுப் பேசுறோம் , ஒரு குடும்ப உறுப்பினர்கள் மாதிரி இருக்குறது அதவிட சந்தோசம்.

நான் ப்ளாக் எழுத வந்த போது இருந்த டெக்னாலஜிக்கும் இப்ப இருக்குற டெக்னாலஜிக்கும் எவ்ளோ வேறுபாடு! நினைச்சுப் பார்க்கவே முடியல. அப்பவெல்லாம் கம்பியூடர் கீ போர்ட்ல இருந்து டைப் பண்ணி எழுதினேன். இப்பவெல்லாம் பேசினா அதுவா எழுதி விதவிதமா ஸ்டைல் மாத்தி என்ன என்னவோ பண்ணுது. இன்னும் நாம நினைக்கிறத கூட எழுதுற மாதிரி இப்ப கண்டுபிடிச்சிருக்காங்க. எப்ப விற்பனைக்கு வருதுன்னு தெரியல.

நான் வந்த புதுசுல மொக்கையா தான் எழுதுவேன். என்ன எழுதுரதுனே தெரியாது. ஆனா அதுக்கு ரொம்ப பீல் பண்ணுவேன். நாமளும் நல்லா எழுதணும் எழுதணும் அப்படின்னு நினைப்பேன். ஆனா எது எழுதினாலும் மொக்கயாதான் இருக்கும். ஆனா இப்ப அந்தப் பிரச்சினை இல்லை , மொக்கையா எழுதுறோமே அப்படின்னு எந்த பீலிங்கும் இல்ல. ஏன்னா அது பழகிப்போச்சு?!?

சத்தியமா ப்ளாக் எழுத வரதுக்கு முன்னாடி வேற எந்த ப்ளாக்க்கும் படிச்சது கிடையாது. எந்த ப்ளாக்கரையும் தெரியாது. அப்புறம் அப்படி இப்படி மொக்க போட்டு நிறைய நண்பர்கள் வந்தாங்க. சரி ப்ளாக் பத்தி மட்டுமே சொல்லி என்ன பண்ணுறது. என் வாழ்க்கைல எவ்ளோ மாற்றங்கள் இந்த 47 வருசத்துல என் வாழ்க்கைல எவ்ளோ மாற்றம்.அப்ப இருந்ததுக்கும் இப்ப இருக்குறதுக்கும் எத்தனை விசயங்கள் கடந்து போயிருக்கு. என்னமோ இப்ப ப்ளாக் எழுத வந்ததுமாதிரி இருக்கு.

என்னால இப்பவும் நம்ப முடியல , நான் ரேடியோ ஜாக்கி ஆனது. அப்போ  இருந்த சந்தோசம் சொல்லுறதுக்கு வார்த்தைகளே இல்ல. என்னோட முதல் ப்ரோக்ராம் பண்ணும்போது இருந்த படபடப்பு , ஒரு வேகம் ஐயோ அத இன்னிக்கு நினைச்சாலும் உடம்பு சிலிர்க்குது. அவ்ளோ ஆசை . நான் நினைச்சது மாதிரியே ஒரு பிரபல ரேடியோ ஜாக்கி ஆகிட்டேன். எத்தன நிகழ்சிகள் அதுல எத்தனை வித்தியாசங்கள் எல்லாமே இன்னும் மனசுல இருக்கு.

இன்னும் அந்த வயசுல மறக்க முடியாத சம்பவம் அப்படின்னு பார்த்தா அவ கிட்ட காதல சொன்னதுதான். அவ்ளோ நாளா பயந்துட்டு இருந்துட்டு அந்த ஒருநாள் மட்டும் எப்படி எனக்கு அவ்ளோ தைரியம் வந்ததுனு இன்னும் வியப்பா இருக்கு. அவள பாக்கும்போதெல்லாம் ஒரு படபடப்பு இருந்துச்சு. ஆனா ஒருநாள் நேரா அவளப் பார்த்து காதலிக்கிறேன் அப்படின்னு சொன்னதும் அவ கண்ணுல முகத்துல காட்டின பாவங்கள என்னால இன்னும் மறக்க முடியல. அதுமட்டும் இல்லாம " பரவால்லையே , இப்பவாவது தைரியம் வந்துசே " அப்படின்னு அவ சொன்னது இன்னும் காதுக்குள்ள கேட்டுட்டே இருக்கு.

அப்புறம் கொஞ்சநாள் கழிச்சு அவளப் பத்தி வீட்டுல சொன்னது , எங்க வீட்டுல அவுங்க வீட்டுல எல்லாம் சம்மதம் வாங்கி கல்யாணம் பண்ணினது எல்லாமே இன்னும் மறக்கமுடியாத நினைவுகள இருக்கு. இது மட்டுமா எங்களோட பொண்ணு பிறந்த போது எவ்ளோ சந்தோசமா இருந்துச்சுனு சொல்லவே முடியல. முதல் முதலா ரேடியோ ஜாக்கி ஆனபோது எந்த மாதிரி பீல் பண்ணினேனோ அதவிட கொஞ்சம் அதிகமாவே சந்தோசப்பட்டேன்னுன்னு சொல்லலாம். இன்னும் அந்த நாட்களை நினைச்சா நேரம் போறதே தெரியல.

அப்புறம் என்னோட நீண்டகால லட்சியம் என்னோட நாற்பதாவது வயசுலத்தான் நிறைவேறுச்சு. அதிக அளவுல நிலங்கள் வாங்கி அதுல சொந்தமா இயற்கை முறைல பயிரிட்டு அதுல விளையுற தானியங்கள எங்க மாவட்டத்துலயும் சுத்தி இருக்குற மாவட்ட ஓரங்களிலும் ரொம்ப சுத்தமான கடைகளை கட்டி உற்பத்தி விலையில் இருந்து ஒரு இரண்டு அல்லது மூணு ரூபாய் மட்டுமே லாபம் வச்சு விக்கணும் அப்படிங்கிறது. நான் ரொம்ப கஷ்டப்பட்டு உருவாக்கின ஒரு விசயம் அப்படின்னா அது இதுதான்.

அப்படி விக்கும்போது அப்போ இருந்த உணவு தானியங்கள் இருந்த விலைல பாதி விலைக்குத்தான் என்னோட கடைல இருந்து வித்தோம். அதுவும் இல்லாம எல்லாமே இயற்கை முறைல இருக்குறதால எல்லோருமே இத விரும்ப ஆரம்பிச்சாங்க. ரொம்ப சீக்கிரமே இது பிரபலம் ஆகிடுச்சு.

அதே மாதிரி பாலிதீன் கவர்ல எந்தப் பொருளுமே தரதில்லை அப்படின்னு சொல்லி அதுக்கு மாற்றுப் பொருள் ஒண்ண கண்டுபிடிக்கறத ஊக்குவிச்சு இப்போ பாலிதீன் அப்படிங்கிற கண்ணாடிப் பைகளே இல்லாமே இருக்குறதுக்கு அதுவும் ஒரு காரணம்னு நினைக்கும்போது ரொம்ப சந்தோசமா இருக்கு. ப்ரைவேட் லிமிட்டடா ஆரம்பிச்ச கம்பனி இப்போ பப்ளிக் லிமிட்டடா  மாறிருக்கு. அதுமட்டும் இல்லாம மாற்றம் நம்ம கிட்ட இருந்தே வரணும் அப்படிங்கிற என்னோட கொள்கைய நான் இதுல நிரூபிச்சிருக்கேன்.

என்னோட பையன் பெரிய டென்னிஸ் வீரனா வரணும்னு சொன்னது அது மாதிரியே இப்ப ரொம்ப பெரிய ஆளா இருக்குறது இது எல்லாமே உங்களுக்குத் தெரிஞ்சதுதானே , அதான் அடிக்கடி பதிவுபோட்ட்டுடே இருக்கேனே! அப்புறம் அவனோட கல்யாணம் அப்புறம் பேரன் பிறந்தது இப்படி நிறைய சொல்லலாம். பதிவுதான் பெருசா போய்டும்.!

TBTS பேர்ல ஒரு டிரஸ்ட் ஆரம்பிச்சு அதுல நிறைய நல்லது பண்ணனும்னு நினைச்சேன். ஆனா எல்லோருமே பொருளாதார நிலைல சிறப்பா இருக்கறதால விளையாட்டுப் போட்டிகள் , எதாவது கலை நிகழ்சிகள் மட்டுமே நடத்துறோம். ஆனா இது ரொம்ப சந்தோசமானதும் கூட. எந்த மனுசனும் யாரையும் சார்ந்து இல்லாம தன்னிச்சையா நிக்குறது எவ்ளோ பெரிய விசயம்.! சரி நாளைக்கு திங்கள் கிழமை நான் போய் செல்வா கதைகள் எழுதணும். கிளம்புறேன்!!

எத்தனையோ மாற்றங்கள் வந்தாலும் நான் , சௌந்தர் , எஸ்.கே மூணுபேரும் இன்னும் மொக்கை போடுறது நிறுத்தல. அது அப்ப இருந்து அப்படியே போயிட்டே இருக்கு. எவ்ளோதான் பெரிய ஆளா வந்தாலும் நான் இன்னும் அப்படியே இருக்குறது எனக்குப் பிடிச்சிருக்கு. ஏன்னா மொக்கை போல் இனிதாவது எங்கும் காணோம்!!

நீதி : நிகழ்காலத்துக்கு வாங்க!! ஹி ஹி ஹி

ஒரு அறிவிப்பு : அந்த அறிவிப்புக்கு முன்னாடி ஒரு நாலு வரி கவிதை .. ஹி ஹி

தமிழில் உள்ள வார்த்தைகள் அனைத்தும்
சேர்த்து ஒரு கவிதை செய்தேன்
ஏதோ குறைந்தது போல் இருந்தது
உன்பெயரை எழுதியதும் நிறைவானது!!

தமிழ் எழுத்துக்கள் அனைத்தும் அந்த நான்கு
எழுத்துக்கள் மீது பொறாமை கொண்டன
உன்பெயரை அலங்கரிப்பதால்!!
அந்த நான்கு எழுத்துக்கள் ர்ந்தசௌ!

கொஞ்சம் ஓவரா இருக்குல .. ஹி ஹி .. அதுவும் அவன பத்தி சொல்லுறதுக்கு இந்தக் கவிதை எல்லாம் ஓவர்தான்.. சரி விடுங்க .. அவனுக்கு நாளைக்குப் பிறந்தநாள். அதனால அவன ரொம்ப சந்தோசமாகவும் , மகிழ்ச்சியாவும் அவன வாழ்க்கை அமையனும் அப்படின்னு இறைவனை வேண்டி அமர்கிறேன்!!

பின்குறிப்பு : இந்தப் பதிவ தொடர் பதிவா எழுதலாம் அப்படின்னு ஒரு ஆசை. அதனால நான் வெறும்பய அண்ணனையும் சுற்றுலாவிரும்பி அருணையும் அழைக்கிறேன்!